ياطيب من للطيب يتعـب ركابـه/حيا الله اللي محكم القـاف جابـه

ياطيب من للطيب يتعب ركابه
في طاعة اللي عالم السروالغيب
اللي على االفطره ودينه زهابه
ماردهاعن فجها لوعواالذيب
وهبه من الله خصهامن لقابه
كل الخصال الطيبه يالمعازيب
ان قلت زبن الحرف جاءله مهابه
من هيبته مايرخص القاف ويشيب
اسم الشجيع اللي عزيز(ن)جنابه
ما يلحقه ينقال شك(ن)ولاريب
من لابة(ن)شرع لهاالمجد بابه
على النقاوالجود كسابة الطيب
دافع وفا ءخط القلم من كتابه
دافع وفاء جزل القوافي مناديب
وان قلت زبن الحرف جاءله مهابه
من هيبته مايرخص القاف ويشيب

نايف الناجي

حيا الله اللي محكم القاف جابه
راعى الكلام اللي منزه عن العيب
ليثٍ تعلا كل مجد ورقابه
له همة (ن) ترقى طوال المراقيب
اليا زمّا جو(ن) تقطع سرابه
يارد على العدّ المطرف اليا هيب
قرم(ن) طليق حجاج يحسب حسابه
ذيب مع المسرى طويل المهاذيب
من لابة يانعم والله لابه
نسل الرجال مكملين المواجيب
نايف حليف الجود واصل الوفا به
يركي على كبد المعادي لواهيب
لاكبرت القاله وكلّ هقابه
كدّر مشاريبٍ وصفى مشاريب
بينه وبين الطيب وصل وقرابه
لاكشرت بعض الوجيه المغاضيب